Israel ni utawala wa ubaguzi wa rangi asema Mwanasheria Mkuu wa zamani
Katika makala iliyochapishwa katika gazeti la The Journal la Ireland, Michael Ben-Yair amesisitiza kuwa, alikubaliana na ripoti ya hivi karibuni ya shirika la kimataifa la kutetea haki za binadamu la Amnesty International, ambalo lilisema Israel inatenda jinai ya ubaguzi wa rangi dhidi ya Wapalestina katika ardhi zinazokaliwa kwa mabavu.
Ben-Yair, ambaye pia alikuwa kaimu jaji wa Mahakama ya Juu ya Israel, alisema alitumia muda mwingi wa kazi yake kuchambua maswali ya kisheria kuhusu uvamizi wa Israel katika ardhi ya Palestina.
Mahakama za Israel, aliongeza, zinashikilia "sheria za kibaguzi" za kuwafukuza Wapalestina kutoka Ukingo wa Magharibi unaokaliwa kwa mabavu na al-Quds Mashariki, jambo ambalo linachangia "utawala unaoendelea juu ya maeneo haya."
"Ni baraza la mawaziri la Israel kwa ajili ya makazi ndilo linaloidhinisha kila makazi haramu katika maeneo yanayokaliwa kwa mabavu. Ni mimi, katika nafasi yangu kama mwanasheria mkuu niliidhinisha unyakuzi wa ardhi ya Wapalestina ili kujenga miundombinu kama vile barabara ambazo zimeweka msingi wa makaazi. upanuzi,” alisema.
"Ni kwa masikitiko makubwa kwamba ni lazima pia nifikie natija kwamba Israel imezama kwenye vilindi vya kisiasa na kimaadili hivi kwamba sasa ni utawala wa kibaguzi."
Ben-Yair pia alionya kwamba mamilioni ya Wapalestina kati ya Mto Jordan na Bahari ya Mediterania wananyimwa kabisa haki zao za kiraia na kisiasa, akibainisha kuwa "hali iliyopo chini ni chukizo la kimaadili."
"Kuchelewa kwa jumuiya ya kimataifa katika kuchukua hatua za maana za kuiwajibisha Israel kwa utawala wa kibaguzi unaouendeleza ni jambo lisilokubalika," alisisitiza.
Mapema mwezi huu, shirika la kimataifa la kutetea haki za binadamu la Amnesty International lilisema katika ripoti yake ya kurasa 280 kwamba Israel inatekeleza mfumo wa ukandamizaji na ubabe dhidi ya Wapalestina.
Amnesty imesema Israel ni utawala wa baguzi wa rangi wa apartheid na hivyo kuifanya kuwa taasisi ya karibuni zaidi ya kimataifa ya kutetea haki za binadamu kuitangaza Israel kuwa ni utawala wa apartheid.
Ripoti ya Amnesty International iliyopewa anwani "Mfumo wa Israel wa kutawala kikatili na kawandamiza Wapalestina" iliyotolewa Jumanne ya jana inaeleza vitendo vya kinyama vya kuwalazimisha watu kuondoka katika makazi yao, kuwekwa kizuizini, mauaji ya kikatili na majeraha makubwa, kunyimwa haki za msingi na kuwakandamiza na kuwatesa Wapalestina, na kuonesha jinsi utawala huo ulivyoundwa kwa msingi wa dhulma na ukandamizaji wa kimfumo dhidi yaWapalestina. Ripoti hiyo imesema: "Amnesty International inaamini kuwa utawala wa Israel unawatambua Wapalestina kama kundi la watu wa chini wasio Wayahudi." Ripoti hiyo imesema: "Tangu kuanzishwa kwake mwaka 1948, utawala wa Israel umetekeleza sera ya wazi ya kuanzisha na kuzidisha idadi ya jamii ya Kiyahudi na kudhibiti zaidi ardhi ya Palestina kwa ajili ya Mayahudi."
Katibu Mkuu wa Amnesty International Agnès Callamard amesema: "Jamii ya kimataifa lazima ichukue hatua za kukomesha uhalifu huu. Hatua za utawala wa Israel dhidi ya Wapalestina zinakiuka sheria za kimataifa."
Sheria za kimataifa hususan mkataba wa Roma uliounda Mahakama ya Kimataifa ya Uhalifu (ICC) zinautambua ubaguzi wa apartheid kuwa ni jinai dhidi ya binadamu.
