ایکنا نیوز کی رپورٹ کے مطابق گذشتہ سالوں کی مانند اس سال بھی قبلہ اول اور سرزمین فلسطین پر غاصبانہ اسرائیلی قبضے کے خلاف اور بعض نام نہاد مسلم حکمرانوں کی جانب سے غاصب اسرائیل کو تسلیم کرنے اور تحریک آزادی بیت المقدس کی حمایت جبکہ مسجد الاقصی کے دفاع پر عزم ظاہر کرنے کے لیے فلسطین کانفرنس منعقد کی جارہی ہے۔
سالانہ فلسطین کانفرنس منتظمین کے مطابق اس سال کانفرنس "امت مسلمہ کے لئے القدس کی محوریت اور غاصب اسرائیل کو تسلیم کرنے کی سازشیں" کے عنوان سے منعقد ہوگی۔
مقصودعلی ڈومکی رکن سرپرست کمیٹی پی ایل ایف بلوچستان کے مطابق کانفرنس 15 رمضان المبارک بمطابق 17 اپریل بروز اتوار صبح 11 بجے کوئٹہ پریس کلب میں منعقد کی جا رہی ہے جسمیں تمام روزہ دار مسلمانوں سے شرکت کی استدعا کی گیی ہے۔