Masjid al-Nabi (SAW) a karkashin ruwan sama na alfijir
Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na cewa, a safiyar yau 2 ga watan janairu ne masallacin nabi ya fuskanci ruwan sama da ba a taba ganin irinsa ba. A cikin wani faifan bidiyo da aka wallafa a shafukan sada zumunta, masallatan na zuwa masallacin ne domin yin addu'a yayin da suke fakewa a karkashin laimansu sannan harabar masallacin ma cike da ruwa daga ruwan sama.
A daidai lokacin da ake wannan ruwan sama, ofishin kula da Masallacin Harami da Masallacin Nabi ya kara kaimi wajen bayar da hidima ga mahajjata da kuma shirya kayan aiki da farfajiyar mahajjata da masu ibada.
Wannan ofishin ya tattara kafet, ya kwashe ruwa a tsakar gida, ya raba laima ga masu ibada, sannan ya sanya kayan aikin busar da ruwa da bushewa a harabar masallacin Al-Nabi. Bugu da kari, an yi amfani da dimbin jami’an hidima don samar da ingantacciyar hidima ga mahajjata da masu ibada.
A gefe guda kuma hukumar kula da masallacin Harami da masallacin Nabiy sun sanar da aiwatar da shirye-shiryen gaggawa na tunkarar matsalar ruwan sama a masallacin Harami. A cikin wannan shiri da aka gudanar tare da hadin gwiwar wasu kungiyoyin gwamnati, an yi amfani da masu sa ido sama da 200, jami’an hidima maza da mata dubu 4 da na’urori daban-daban guda 500 domin shawo kan rikicin da ruwan sama ya haifar a wannan masallaci.
