Ən böyük Quran tədbiri və Qəzzaya dəstək nümayişi İranda keçirilib
Azadi stadionunda İmam Həsənin (ə) mövludu münasibətilə xüsusi Quran tilavəti mərasimi keçirilib.
Minlərlə iranlı İmam Həsənin (ə) mövlud ildönümünü qeyd etmək və Qəzza zolağında Fələstin xalqına dəstək nümayiş etdirmək üçün çərşənbə axşamı Azadi stadionunda keçirilən möhtəşəm Quran mərasimində iştirak edib.
100 min iranlı İsrail rejiminin Qəzza zolağında müdafiəsiz fələstinlilərə qarşı törətdiyi cinayətləri pisləmək üçün Quran tədbirinə qatılıb.
Möhtəşəm mərasim zamanı iştirakçılardan mobil telefonlarında Qəzza şəhidlərindən birinin şəklini göstərmələri istənilib.
Fələstin bayrağı ilə Azadi stadionunda olan Tehran xalqı da “İsrailə ölüm” və “Amerikaya ölüm” şüarları səsləndirib.
Tehran əhalisi Azadi stadionuna toplaşaraq Qəzza xalqının İsrailə qarşı mübarizəsini sayqı ilə yad ediblər.
HƏMAS Fələstin xalqına qarşı şiddətlənən vəhşiliklərinə cavab olaraq işğalçı rejimə qarşı görünməmiş əməliyyat keçirdikdən sonra İsrail mühasirədə olan Qəzzaya qarşı amansız müharibəyə oktyabrın 7-də başlayıb.
Təl-Əviv rejimi indiyədək əksəriyyəti qadın və uşaq olmaqla ən azı 32142 fələstinlini öldürüb, 74412 nəfəri yaralayıb.
